‘ਸੀਕ੍ਰੇਟ…’ ਨੇ ਚੀਨ ‘ਚ ਪਾਈਆਂ ਧਮਾਲਾਂ, 8 ਦਿਨਾਂ ‘ਚ ਕਮਾਏ ਇੰਨੇ ਕਰੋੜ

50 aamir
ਮੁੰਬਈ (Sting Operation)- ਬਾਲੀਵੁੱਡ ਸੁਪਰਸਟਾਰ ਆਮਿਰ ਖਾਨ ਦੀ ਫਿਲਮ ‘ਸੀਕ੍ਰੇਟ ਸੁਪਰਸਟਾਰ’ ਇਨ੍ਹੀਂ ਦਿਨੀਂ ਚੀਨ ਦੇ ਬਾਕਸ ਆਫਿਸ ‘ਤੇ ਖੂਬ ਧਮਾਲਾਂ ਪਾ ਰਹੀ ਹੈ। ਭਾਰਤ ‘ਚ ਹੀ ਨਹੀਂ, ਬਲਕਿ ਆਮਿਰ ਦੀ ਪ੍ਰਸਿੱਧੀ ਹੁਣ ਚੀਨ ‘ਚ ਵੀ ਦਿਨੋਂ-ਦਿਨ ਵੱਧਦੀ ਜਾ ਰਹੀ ਹੈ। ਤੁਹਾਨੂੰ ਦੱਸ ਦੇਈਏ ਫਿਲਮ ਨੇ ਪਹਿਲੇ ਦਿਨ ਸ਼ੁਕਰਵਾਰ $6.92 ਮਿਲੀਅਨ, ਸ਼ਨੀਵਾਰ $10.59 ਮਿਲੀਅਨ, ਐਤਵਾਰ $9.94 ਮਿਲੀਅਨ, ਸੋਮਵਾਰ $5.04 ਮਿਲੀਅਨ, ਮੰਗਲਵਾਰ $4.91 ਮਿਲੀਅਨ, ਬੁੱਧਵਾਰ $4.52 ਮਿਲੀਅਨ, ਵੀਰਵਾਰ $4.23 ਮਿਲੀਅਨ, ਤੇ ਸ਼ੁਕਰਵਾਰ $4.83 ਮਿਲੀਅਨ ਦੀ ਕਮਾਈ ਕਰ ਲਈ ਹੈ। ਫਿਲਮ ਨੇ ਕੁੱਲ ਮਿਲਾ ਕੇ 8 ਦਿਨਾਂ ‘ਚ $51. 50 ਮਿਲੀਅਨ ਯਾਨੀ 327.51 ਕਰੋੜ ਦਾ ਕਾਰੋਬਾਰ ਕਰ ਲਿਆ ਹੈ। ਫਿਲਮ ਦੀ ਕਮਾਈ ਬਾਰੇ ਜਾਣਕਾਰੀ ਟਰੇਂਡ ਐਨਾਲਿਸਟ ਤਰਣ ਆਦਰਸ਼ ਨੇ ਟਵੀਟ ਕਰਕੇ ਦਿੱਤੀ ਹੈ।
ਜ਼ਿਕਰਯੋਗ ਹੈ ਕਿ ‘ਸੀਕ੍ਰੇਟ ਸੁਪਰਸਟਾਰ’ ‘ਚ ਆਮਿਰ ਤੋਂ ਇਲਾਵਾ ਅਭਿਨੇਤਰੀ ਜ਼ਾਇਰਾ ਵਸੀਮ ਅਹਿਮ ਭੂਮਿਕਾ ‘ਚ ਹੈ। ਆਮਿਰ-ਜ਼ਾਇਰਾ ਸਟਾਰਰ ਫਿਲਮ ‘ਸੀਕ੍ਰੇਟ ਸੁਪਰਸਟਾਰ’ ਦਾ ਨਿਰਦੇਸ਼ਨ ਅਦਵੈਤ ਚੰਦਨ ਨੇ ਕੀਤਾ ਹੈ ਅਤੇ ਇਸ ਫਿਲਮ ਨੂੰ ਆਮਿਰ ਦੇ ਪ੍ਰੋਡਕਸ਼ਨ ਹੇਠ ਪ੍ਰੋਡਿਊਸ ਕੀਤਾ ਗਿਆ ਹੈ। ਇਸ ਤੋਂ ਇਲਾਵਾ ਉਮੀਦ ਕਰਦੇ ਹਾਂ ਕਿ ਫਿਲਮ ਆਉਣ ਵਾਲੇ ਦਿਨਾਂ ‘ਚ ਬਾਕਸ ਆਫਿਸ ‘ਤੇ ਚੰਗਾ ਬਿਜ਼ਨੈੱਸ ਕਰਨ ‘ਚ ਸਫਲ ਰਹੇਗੀ।

About Sting Operation

Leave a Reply

Your email address will not be published. Required fields are marked *

*

themekiller.com